[شرح] كيفية اعطاء شخص اخر صلاحيات المشرف العام

السلام عليكم ورحمه الله وبركاته
لاعطاء شخص اخر صلاحيات المشرف العام
كالدخول على كامل الكنترول او اي جزء يلزمك اتباع الشرح والتركيز
وهناك ملاحظه هامه : الشخص اللي تبي تعطيه كل الصلاحيات مو مشكله يكون عضو او مراقب او مراقب عام او اي عضو منتسب

الان مع الشرح واتمنى للجميع التوفيق

فيه عندنا عضو اسمه traidnt ورقم عضويته 1000 وهو خاص للتجارب
هذا الرجال كلي ثقه بعد الله فيه انه يقوم بعمل المنتدى اثناء غيابي
طبعاً مشكله اروح اعطيه اسمي ويقرى رسائلي الخاصه
فقلت لازم اعطيه الصلاحيات وافتك من كشف الاسرار

فرحت ضغطت على اسمه وقريت بياناته ولقيته متدرب جديد



وعلى اليسار المجموعات
فحطيت علامة صح على مدير المجموعه اللي هو المشرف العام
عشان تكون عنده كل الصلاحيات



وبعدها ضغطت على حفظ



الا وطلع لي مربع يقول تم الحفظ



ولقيت عند معلوماته بعد الحفظ كلام بالاحمر معناه
ترقية واضافة صلاحيات العضو ترايدنت



فضغطت على الجمله هذي
Update or Add Administration Permissions

وقلت بشوف وين يوديني



الا وطلع لي كلام كثير ومعناه باختصار
يالمشرف العام اذا ودك تعطي احد صلاحيات فروح اضف رقم عضويتك في ملف الكنوفيق اللي على هذا المسار
vb/includes/config.php
وابحث عن هذي الكلمه
$superadministrators = '';
وحط رقم عضويتك بين القوسين وبتصير كذا
$superadministrators = '1';

قلت له ابشر ولايهمك ومالك الا طيبة الخاطر
يداً ماتقواها صافحها

رحت لملف الكنوفيق وبحثت عن
$superadministrators = '';



وغيرتها بهذي الجمله

$superadministrators = '1';



ثم رفعت الملف مره ثانيه

ورحت للمنتدى وضغطت على كلمة عوده اللي ظهرت لي فيها التحذير



ورجعني الى الخط الاحمر



وضغط على اللي مكتوب بالخط الاحمر

Update or Add Administration Permissions

فطلع لي اللي كنت ابيه

طلعت صلاحيات بالهبل
ويقول طب وتخير وش تبي تعطيه من صلاحيات
قلت يستاهل كل خير
واعطيته اللي راح اعتمد عليه بعد الله في غيابي


ثم حفظت العلم الطيب
الله يحفظنا ويحفظكم

هذا الشرح ياجماعة الخير خاص باعطاء اي عضو او اي شخص تثق فيه مهما كانت رتبته في المنتدى الا الموقوفين

وبكذا راح يكون عندك مشرف عام ثاني من غير ماتتغير معلوماته تحت اسمه
يعني يبقي متدرب جديد



والسلام عليكم ورحمه الله وبركاته