هذا حوار بين وحده خاينه واحد يحبه حيل حد الموت




العين شافت
هي /
انه و كلبي اسأل و السؤال يطول و ما اعرف عليمن ابدي موضوعي
و أون الليل كله و احترك بالنار و احس النار كوّه اتجفف ادموعي
عفتني بديره وحدي و رحت انت بعيد و ذابن من غيابك صدك شموعي
يالبيك الكلب علمته من يهيد الجمه بجرح حتى يفزز اضلوعي
و لا تسأل عليه و لا جذب حنيت...
ليش...؟ نسيت...؟
رجع و لو كلبي و روح وين تروح..
ما اعتب عليك انه اخطأت...و حجيت..


هو/

من احجي ازعّل..و الصراحة تريد...و منين ابدي انه وياج سالفتي...
اذا وي العشك معركت فضّت يوم..اظن وي الوكت ما تفض معركتي..
شعلتي النار بيه و جن ولا تدرين..جذبتي عليه هواي جذبتي


هي/

اجذّب؟..!!!


هو/

اي نعم...بس ما كلتلج يوم..اعالج قهر كلبي بحسرتي و صمتي..
بجيتي و صدكت لان كلبي طيب دوم... صدك بيج لمن عالهوى احلفتي..
وشحجي وياج...؟ هو شضل بعد و احجي و احاف اعليه...
هو انه ويه روحي و ما كعد بختي


هي/

لا...احجي البكلبك..بيّن المضموم..بعد عندك حجي التحتاجه ذاكرتي..


هو/

كلتلج انه ازعّل مو حجي الينكال !..


هي/

اي ...احجيلي بلله...نشوف

هو/

ها شفتي؟.. بعد ما كلت كلشي امبين زعلتي..


هي/

لا احجي العليه و سولف شمتريد..من عندك اريد انه افتهم قصتي..


هو/

تفتهمين؟.. عود انتي بحياتج كلشي معرفتي؟..
حجولي اهوي لكن جذبت من كال..بس العين شافت هاي مشكلتي
شفتج ويه غيري و بضحكه تتشاقين...هم جذبي عليه و كولي ابن عمتي؟..
ولج شحجي و شسولف و الكلب شيصير...مو بيج امنت..شو بالعجل خنتي
يا فشلة اكليبي الصّدك بممشاج و اختارج حبيبة عمرة بس انتي..


هي/

لا ارجوم..افهم حبي الك......


هو/

....... لا...لا هم كبل كلتي...
اخيراَ هذا حدي..و نفترك منا.. ردتها وياج عدلة..و انتي ما ردتي..

__________________
http://img148.imageshack.us/img148/1207/adler01cs2.gif

http://www.nshamaaliraq.com/up/uploads/dfa2ad4b6d.gif


http://up.arabsgate.com/u/4205/2920/33761.gif


http://up.arabsgate.com/u/4205/2920/33760.gif